SUMBAGAY

Sa akong pangidaron karon nga gamay na lang og pun-anan molapas na atong kalendaryo, dili gyod nako
makalimantan ang gi-estorya sa akong uyo-an nga kitang mga lalake, dili gayod mahimong hingpit nga matawag
lalake kon dili pa MASUMBAGAN, MAKASUMBAG o bakaha MAKAKITA og  SINUMBAGAY.


Mao ni-adtong nagtungha pako sa elementarya  garbo kaayo nako kung naa koy makasukmagay, bisan muna-muna sa ginhawa, mag-abot lang gud ang akong  tanang gibati, kulba, hadlok, og kakuyaw, sagul-sagul nga mga pagbati ang akong mabatyan sa akong kaugalingon og mao sad sa akong ika-enkwentro og sumbagay.
Bisan sa kadako nga kakuyaw nga akong nabatyagan pursigido lang gihapon ko nga makigsumbagay para akong mapakita ang akong kaisog, bahala na og mangasungo, mablack-eye, matumba, makakita og aninipot, agwanta ang Batang Sipat kay hadlok og sungogon nga bayot , talawan o bakaha puti og itlog. Nya kini nga permi nata masumbagan, mura sad tawon og migara, Mao nga kung naay mga hagit hagit, mga sungog, ay tuod sinumbagay dayon, nya ang resulta adto mi sa opisina sa among maestra manghilak kay nangahadlok na.


Pastilan karon nga naa nata sa sakto nga pangidaron, lahi naman sad di ay ang klase sa atong ika sinumbagay,
mas kuyaw og hadlok kaau ang atong mga kontra kay kung way swerte dad-on man gyod ka sa kadautan,
Sama na lang  aning tulo ka mga kontra nato kada adlaw. Ang pamahaw, pani-udto og panihapon. Kini lang nga mga kontraha daan diri sa atoa, lisod na kaau nga peldihon, Unsa pa kaha kong aduna nay mas isog nga makig-away  nato..


Ahay!!!!  Pagkapaita ning Gipalibotan ta sa mga kontra nga kita mismo wala makahibalo dis-a sila gikan nga mga kalibutana....

Pero, sige lang.....

Pyts Gihapon Bahalag Lupig....